Kosova shumë shpejt do të marr kredi ndërkombëtare

Autori:Avdyl Pajaziti

Qeveria e Kosovës, shumë shpejt do të hyjë në kredi ndërkombëtare. Këto kredi do të jenë në lidhje me zhvillimin e projekteve që do të qojnë në zhvillimin ekonomik.

Këtë e tha ministri i financave në Republikën e Kosovës, Avdullah Hoti, para deputetëve të Kuvendit deri sa po diskutohet për rishikimin e buxhetit.

“Qeveria do të hyjë në kredi ndërkombëtare vetëm për investime kapitale, dhe ju (deputetet) do të jeni ata që do ta aprovoni secilën kredi që qeveria e Kosovës hyn në të”, tha Hoti.

Ai tha se projektligji i dorëzuar sot për plotësim ndryshim të ligjit për buxhetin është i domosdoshëm. “…ndryshimet janë substanciale, ne kemi arritur t’i kursejmë 149 milion euro… Unë e pranoj që ky është buxhet që nuk i përmbush nevojat, por është buxhet për aq sa kemi”, shpjegoi ministri.

Ndërsa për deputetin e Lëvizjes Vetëvendosje, Albin Kurti, ministri Hoti nuk është duke bërë asgjë më tepër se duke përsëritur deklaratat e ministrave para tij. “Ministri tha se ky është një buxhet i mundësive dhe jo i nevojave, dhe në këtë mënyrë ai vetëm e citoi ish ministrat e më hershëm”, tha Kurti.

Ndërsa në lidhje me kreditë ndërkombëtare Kurti tha se nuk do t’i votojnë ato, pa pasur së pari listën e projekteve të dorëzuar nga qeveria. “Ky është edhe problemi që njëherë po hymë në borxhe e mandej po e bini listën e projekteve”, tha Kurti.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/kosova-shume-shpejt-do-te-marr-kredi-nderkombetare/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala