Lajme 6 vite më parë

Kosova pjesë e konferencës vjetore të Organizatës Ndërkombëtare të Punës

Autori:Avdyl Pajaziti

Në Konferencën vjetore të Organizatës Ndërkombëtare të Punës- ILO, po merr pjesë delegacioni i Republikës së Kosovës, i kryesuar nga Ministri i Punës dhe Mirëqenies Sociale, Arban Abrashi dhe përfaqësuesit e Këshillit Ekonomiko – Social.

Në Konferencë, Ministri dhe delegacioni po takohen me përfaqësues të lartë të kësaj konference, si dhe me delegacione të vendeve pjesëmarrëse.

Në njoftimin e ardhur nga kjo ministri është veçuar rëndësia e takimit me Presidenten e Konferencës Juanzeme, kreun e Konfederatës Ndërkombëtare të Sindikatave Wienen, me Drejtoreshën e Qendrës Ndërkombëtare të Trajnimit të ILO me bazë në Torino O’Donovan, si dhe me delegacionet nga Turqia e Katari.

Si rezultat i kësaj vizite, është arritur të formalizohen bashkëpunime në fushën e fuqizimit të dialogut social, dhe ngritjes së kapaciteteve të partnerëve anëtarë të Këshillit Ekonomik Social; në realizimin e vizitave zyrtare në Turqi dhe Lituani me qëllim të forcimit të bashkëpunimit; në organizimin e një vizite me drejtues ekzekutiv të ILO-s; në inicimin e pjesëmarrjes në rrjete dhe forume të specializuara në fushën e punë s dhe organizimit sindikal dhe forma tjera të bashkëpunimit.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/kosova-pjese-e-konferences-vjetore-te-organizates-nderkombetare-te-punes/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala