Lajme 6 vite më parë

Kosova kërkon ndihmë akademike nga universitetet gjermane

Autori:Avdyl Pajaziti

Ministri i Arsimit, Shkencës dhe Teknologjisë, Arsim Bajrami, ka kërkuar nga drejtuesit e Universitetit Humboldt në Berlin arritjen e një marrëveshje për shkëmbimin e stafit akademik dhe studentëve mes këtij universiteti dhe atij të Prishtinës.

Gjatë një vizite zyrtare në Gjermani  Bajrami ka qëndruar në universitetin Humboldt është takuar me  Kamper-van den Boogaart, zëvendëspresident për çështje akademike dhe marrëdhënie ndërkombëtare të këtij universiteti publik, i cili është njëri nga tri universitetet më të mira në këtë vend.

Ministri Bajrami, po ashtu, ka takuar edhe një grup të studentëve kosovarë, të cilët studiojnë në universitetet gjermane në Berlin. Ai shprehu kënaqësinë e tij që këta studentë po studiojnë në universitete me renome ndërkombëtare dhe kërkoi nga ata që pas studimeve të kthehen në Kosovë dhe dijen e tyre ta bartin te gjeneratat e reja. Ministry kosovarë paraprakisht është pritur në Bundestag nga deputetja e Bundestagut, njëherit kryetare e Komisionit për Edukim dhe Shkencë, Patricia Lips, si dhe anëtarët e këtij Komisioni.

Në këtë takim, ministri Bajrami është njohur me rolin e këtij komisioni në Bundestag, ndërsa i ka informuar deputetët gjermanë për Ministrinë e Arsimit, Shkencës dhe Teknologjisë, për punën që po bëhet aktualisht dhe reformat e ndërmarra me qëllim të ngritjes së cilësisë.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/kosova-kerkon-ndihme-akademike-nga-universitetet-gjermane/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala