Eko 6 vite më parë

Kosova hyn borxh edhe 400 milionë në FMN

Autori:Avdyl Pajaziti

Qeveria e Kosovës së bashku me ambasadorët e shteteve  të huaja në Kosovë dhe zyrtarë të BE-së kanë mbajtur një takim të Forumit të Nivelit të Lartë ku është bërë prezantimi i strategjisë kombëtare për zhvillim ekonomik.

Kryeministri i Kosovës, Isa Mustafa tha se ky takim është shumë i rëndësishëm dhe pritet që nga Fondi Monetar Ndërkombëtar Kosova të përfitojë edhe 400 milionë euro shtesë  gjatë viteve të ardhshme, njofton Klan Kosova.

Sipas Mustafës, qeverisja e tij ka arritur të ngrisë të ardhurat personale për 6 % ndërsa tha se kanë siguruar rritje për ndihmë sociale për 15 %.

Ai gjithashtu shtoi se pritet që në vitin e ardhshëm të ketë rritje të pagave për kontributdhënësit për  30 %.

Sipas tij, përmes politikave fiskale ekonomia e vendit është në rritje dhe synohet që viteve të ardhshme të jetë edhe më e mirë ndërsa BE është cilësuar si donatori më i madh i Kosovës.

Sipas zyrtarit të BE-së, Thomas Gnocchi që është shef për ekonominë e integrimeve evropiane BE do të vazhdojë të mbështesë Kosovën në sektore të rëndësishme që të bëhet rritja ekonomike.

Gjatë këtij takimi është bërë edhe prezantimi i të gjitha projekteve të 22 donatorëve ndërkombëtarë.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/kosova-hyne-borxh-edhe-400-milione-ne-fmn/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala