Kosova dhe Shqipëria në listën e “vendeve të sigurta”

Autori:Avdyl Pajaziti

Komisioni Evropian pritet këtë të mërkurë të publikoj listën e ”vendeve të sigurta” , përfshirë Kosovën dhe Shqipërinë , prej nga mijëra persona janë larguar gjatë këtij vitit.

“Qëllimi i kësaj është të përmirësojmë stabilitetin dhe të adresojmë parregullsitë që shkaktojnë valët e migrimeve” , thotë Komisioni Evropian, në një draft tekst të siguruar nga The Associated Press.

Lista e plotë e asaj që konsiderohet si “ vende të sigurta” përfshinë, Shqipërinë, Bosnje Hercegovinën, Maqedoninë, Kosovën, Serbinë dhe Turqinë.

Më shumë se 50 mijë persona nga Kosova kanë aplikuar për azilkërkues në vendet e BE-së, vetëm në tre muajt e parë të këtij viti. Më shumë se 21 mijë prej tyre vetëm në Gjermani, e cila ndërkohë po mirëpret me dhjetëra mijëra refugjatë nga Siria.

Poashtu edhe qindra persona nga Shqipëria kanë kërkuar azil.

Ndërkohë që Bashkimi Evropian po planifikon të krijojë një fond prej 1.8 miliardë dollarëve, për vendet e Afrikës, në mënyrë që ato të menaxhojnë më mirë kufijtë e tyre si masë e parandalimit të migrantëve, që i po i mësyjnë Evropës.

Rreth 100 mijë, migrantë janë shpëtuar këtë vit duke kaluar Detin Mesdhe, përmes Afrikës Veriore.

Në draft- tekst , thuhet se BE-ja pret që 28 vendet anëtare të ofrojnë të ndihmë financiare për këtë plan.

Pritet që Komisioni Evropian të propozoj një ndarje të barabartë mes vendeve anëtare të BE, për 120 mijë refugjatësh. Shumica nga vendet anëtare duhet ta pranojnë këtë planë. /rel/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/kosova-dhe-shqiperia-ne-listen-e-vendeve-te-sigurta/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala