Komuna e Vushtrrisë fajëson qytetarët për mungesë të ujit

Autori:Avdyl Pajaziti

Komuna e Vushtrrisë ka lëshuar një njoftim në faqen zyrtare të Facebook-ut, ku i fajëson qytetarët për mungesë të ujit.

Sipas Komunës, qytetarët janë duke gënjyer sepse ata po furnizohen me ujë. Një gjest qesharak i Komunës ku thotë se qytetarët po ankohen pa të drejt për mungesë të ujit.

Ja cka shkruan komuna në një njoftim me plotë gabime logjike e drejtshkrimore:

“Kompania Rajonale e Ujesjellesit premton rritje te kapaciteteve me ujë të pijshëm per Vushtrrinë
Edhe gjatë këtyre ditëve të verës me temperatura të larta banorët e Komunës së Vushtrrisë ballafaqohen me problemin e ujit të pijshëm. Përderisa qytetarët ankohen se ne krojet e tyre rrjedh ujë i pijshëm vetëm një ose dy orë brenda 24 orëve, kështu nuk mendojnë edhe drejtuesë të Kompanisë së Ujësjellësit Rajonal në Mitrovicë.

Zavendës drejtori i kësaj kompanie Sami Miftari,zyrtari financiar Faton Vërbovci dhe Menaxheri Operativ i Njësisë në Vushtrri, Driton Abazi, thonë se Komuna e Vushtrrisë furnizohet me ujë të pijshëm, si edhe para tre muajsh, ashtu siç është e paraparë me marrëveshje. Përkundër faktit se gjatë kësaj periudhe mundë të ndodhin edhe prishje në rrjetin furnizues, kompania merr masa të menjehershme për evitimin, me qëllim që qytetarët e këtushëm të furnizohen me ujë të pijshëm çdo ditë me orët të cilat janë të parapara për furnizim me ujë.

Problemi me furnizim më ujë të pijshëm qëndron te keqpërdoruesit, i kanë thënë drejtuesit e kësaj kompanie nënkryetarit të Komunës së Vushtrrisë, Dibran Përcukut, në takimin që patën sot, ku është analizuar gjendja e krijuar dhe u shtruan një varg detyrash reciproke në drejtim të përmirësimit të situatës alarmante. Një numër i qytetarëve të pandërgjegjshëm në masë të madhe e keqpërdorin ujin e pijshëm për ujitjen e kopshteve, larjeve të oborrove, për autolarje e qëllime tjera.

Madje, në një fshat të Rajonit të Mitrovicës, një banor është gjetur duke ujitur me ujë të pijshëm rreth katër hektar tokë të mbjellur me perime. Drejtuesit e Kompanise së Ujësjellësit Regjional u zotuan se përkundër këryre vështërsive do të rrisin kapacitetin e furnizimit të qytetarëve me ujë të pijshëm, por në anën tjetër nga institucionet komunale kërkuan që të ndërrmeren masa për parandalimin e keqpërdorimit.

Përcuku tha se Komuna tashmë ka një plan veprimi, sipas të cilit Drejtoria për Inspektime në bashkëpunim me policinë e Kosovës do të marrin masa për parandalimin e keqpërdorimit të ujit të pijshëm. Sipas këtij plani të gjithë qytetarët që kanë bërë kyqje në rrjetin e ujësjellësin në mënyrë ilegale dhe ata që e kqepërdorin për destinime të tjera, do të gjobiten në bazë të dispozitave ligjore”.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/komuna-e-vushtrrise-fajeson-qytetaret-per-mungese-te-ujit/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala