Lajme 6 vite më parë

Komuna e Prishtinës vazhdon rrënimin e objekteve pa leje (Foto)

Autori:Avdyl Pajaziti

Në kuadër të aksioneve të përditshme për parandalimin dhe rrënimin e të gjitha atyre objekteve që janë ndërtuar në kundërshtim me rregullat dhe ligjet në fuqi, Drejtoria e Inspekcionit e Komunës së Prishtinës ka vazhduar me aksionin për rrënimin e ndërtimit nga materiali i fortë, në lagjen “Bregu i Diellit”.

“Fillimisht, Drejtoria e Inspekcionit ka kërkuar nga pala që ta rrënojë vetë objektin ilegal, mirëpo pasi që pala nuk e ka zbatuar kërkesën brenda afatit të paraparë ligjor, inspektorët e Komunës së Prishtinës kanë ndërmarrë aksionin për rrënimin e këtij objekti. Komuna e Prishtinës mbetet e përkushtuar në zbatimin e rendit dhe ligjit, ndërsa nuk do të tolerohet asnjë ndërtim ilegal”, thuhet në njoftimin e Komunës së Prishtinës.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/komuna-e-prishtines-vazhdon-rrenimin-e-objekteve-pa-leje-foto/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala