Eko 5 vite më parë

Komuna e Ferizajt me 17 mijë të papunë

Autori:Gazeta Fjala

Në kuadër të projektit: “Promovimi i punësimit të të rinjve” në Kosovë, projekt i GIZ-it gjerman, pjesë e së cilës është edhe Komuna e Ferizajt, të hënën, janë prezantuar gjetjet nga raporti i vlerësimit të nevojave të të rinjve ferizajas.

Kryetari i Ferizajt, Muharrem Svarça, ka thënë se ndjehet mirë që Komuna që ai drejton është pjesë e këtij projekti së bashku edhe me komunat të Gjakovës dhe atë të Vushtrrisë, një projekt- pilot shumë i rëndësishëm sipas tij që ka të bëjë me punësimin, një problem mjaft shqetësues të për gjitha qytetet e Kosovës, shkruan sot “Koha Ditore”.

Sipas shënimeve të publikuara nga Qendra Rajonale e Punësimit, në Komunën e Ferizajt aktualisht janë të regjistruar si të papunë 17 mijë persona, prej të cilëve 7 mijë e 200, ose rreth 42 për qind janë të pakualifikuar, ndërsa rreth 40 për qind janë të moshës ndërmjet 16 e 24 vjeç, kurse 8 mijë e 141, ose 47.7 për qind janë të moshës ndërmjet 25 e 39 – vjeçare.

Sipas këtyre shifrave, del se afër 70 për qind e të papunëve, janë të moshës nën 30- vjeç.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/komuna-e-ferizajt-me-17-mije-te-papune/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala