Koci beson në lirimin e Donikës

Autori:Avdyl Pajaziti

Avokati i deputetes Donika Kadaj-Bujupi, Arianit Koci, ka shprehur optimizëm se në fillim të javës që po vjen, Gjykata e Apelit do ta shqyrtojë ankesën e mbrojtjes për lirimin e saj nga paraburgimi.

Ai ka thënë për “Epokën e re”, së lëndët që kanë të bëjnë me paraburgimet janë me prioritet për t’u trajtuar nga gjykata. Në këtë kontekst, avokati Koci, ka vlerësuar se mbrojtja ka ofruar bazë të fort juridike që Gjykata e Apelit ta hedhë poshtë vendimin e Gjykatës Themelore në Prishtinë, e cila Donika Kadaj-Bujupit ia ka caktuar masën e paraburgimit prej 30 ditësh për shkak të veprimeve në Kuvendin e Kosovës.

“Kam bazë të fort juridike për ankesë dhe besoj se e njëjta do të aprovohet. Nuk është bërë ekspertiza dhe kjo është e papranueshme. Së paku është dashur të bëhet një ekspertizë. Përndryshe edhe ftesa, e cila i është bërë nga Prokuroria ka qenë e kundërligjshme. Nuk i është dorëzuar asaj personalisht dhe për ftesën e dytë afati i paraqitjes ka qenë 24.11.2015. Arsyeja e urdhrit që të arrestohet para afatit për mua është e panjohur”, është shprehur Koci.

Shefja e grupit parlamentar të AAK-së, Donika Kadaj-Bujupi, të mërkurën është arrestuar nga Policia e Kosovës dhe më pas Gjykata Themelore në Prishtinë ia ka caktuar masën e paraburgimit prej 30 ditësh. Gjatë asaj dite në rrugët e kryeqytetit ka pasur protesta dhe përplasje në mes të policisë dhe protestuesve.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/koci-beson-ne-lirimin-e-donikes/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala