KEK-u pranon shkeljet ligjore në tender

Autori:Avdyl Pajaziti

Korporata Energjetike e Kosovës sërish e ka pranuar se ka bërë shkelje të Ligjit të prokurimit gjatë vlerësimit të ofertave në një tender që peshon rreth 200 mijë euro,

Disa nene të Ligjit të prokurimit publik KEK-u i ka shkelur në tenderin për “montimin dhe demontimin i valves kryesore rregulluese për furnizimin e kazanit me ujë për B1, A3”.

Konstatimet për shkelje ligjore i ka bërë eksperti shqyrtues i caktuar nga Organi Shqyrtues i Prokurimit për të shqyrtuar ankesën e kompanisë “B&D Engineering”, e cila ishte ankuar kundër njoftimit për dhënie të kontratës të lëshuar nga KEK-u.

E në njoftimin për dhënie të kontratës, të publikuar në ueb-faqen e Komisionit Rregullativ të Prokurimit, KEK-u ka rekomanduar që kontratën t’ia japë kompanisë “ATM Engineering”, shkruan sot Koha Ditore.

Vlera e kontratës së planifikuar për t’u nënshkruar ishte 158 mijë e 943 euro, të cilën e kishte ofertuar kompania “ATM Engineering”, përcjell koha.net. Mirëpo, në të njëjtin njoftim është shkruar se vlera më e madhe e ofertuar ka qenë për 100 mijë euro më e lartë, apo 262 mijë euro. Gazeta ka mësuar se oferta e kompanisë ankuese është dukshëm më e lartë se ajo që KEK-u e ka rekomanduar për kontratë.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/kek-u-pranon-shkeljet-ligjore-ne-tender/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala