KEK terron pavarësinë

Autori:Avdyl Pajaziti

Nga 5 blloqe sa ka KEK-ut të gatshme për prodhim, në vigjilje të shtatë vjetorit është duke prodhuar vetëm një. Katër blloqe të tjera janë jashtë. KEK-ut i kanë rënë tri blloqe për një periudhë jo me të gjatë se 24 orë.

Fillimisht, të dielën ishte ndalur njësia A3, përderisa sot, edhe dy njësi tjera u fikën për të mos prodhuar asnjë megavat, fillimisht B1 e pak më vonë edhe A4.

Aktualisht në sistem është vetëm njësia B2 e Termocentralit Kosova B që prodhon rreth 250 megavatë/orë energji elektrike.

Kjo ka vështirësuar dukshëm furnizimin me energji elektrike, duke e nxirë festën e shtatë vjetorit të pavarësisë, pasi konsumi sipas kompanisë furnizuese deri në 1100 megavatë/orë.

Zyrtarët e KEDS njoftuan se janë duke bërë maksimumin për të importuar gjithë energjinë e gatshme në treg.

“Tanimë kemi arritur të importojmë deri në 533 megavatë/orë energji elektrike. Më shumë se gjysma e konsumit në Republikën e Kosovës po mbulohet nga importi, falë aktivitetit të pandërprerë dhe me plot përkushtim të zyrtarëve të KEDS-it”, njoftuan zyrtarë të KEDS-it për Gazetën Fjala.

KEK ka vendosur të heshtë për të gjithë këtë situatë të krijuar.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/kek-terron-pavaresine/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala