Katër fëmijë në mesin e 11 qytetarëve të kthyer nga Siria, Sveçla: Do t’iu ofrojmë mbështetjen për ri-integrim

Autori:Valdete Valdete

Katër fëmijë janë në mesin e 11 qytetarëve kosovarë të cilët u kthyen në Kosovë nga zonat e konfliktit në Siri. Përçka ministria e Punëve të Brendshme bashkë me Policinë e Kosovës kanë mbajtur konferencë për media.

Me këtë rast i pari i Ministrisë së Punëve të Brendshme, Xhelal Sveçla tha se do të marrin të gjitha veprimet e nevojshme për t’iu ofruar mbështetjen e plotë për rehabilitim dhe ri-integrimin e tyre në shoqëri.

Madje ka theksuar edhe se gjithë personat që kanë marrë pjesë në luftime në zonën e konflikti dhe kanë kryer krime do të dalin para drejtësisë.

“Me këtë veprim, Kosova, si anëtare e Koalicionit Global, dëshmon së është partner i përkushtuar dhe i gatshëm të përmbushë obligimet ligjore, si vendore dhe ato ndërkombëtare. Ne të do ndërmarrim të gjithë veprimet e nevojshme së bashku me institucionet relevante, për të ofruar mbështetjen e plotë për rehabilitimin dhe ri-integrimin e tyre në shoqëri ”, tha Sveçla.

Drejtori i përgjithshëm i Policisë së Kosovë, Samedin Mehmeti tha se falë angazhimeve të tilla, ka rezultuar që situata aktuale të jetë shumë më ndryshe, për dallim me situatën e viteve 2013 dhe 2014.

Ai bëri të ditur se gjatë këtij operacioni është arritur që të kthehen gjithsej 11 persona, në mesin e të cilëve gjashtë burra, një grua dhe katër fëmijë.

Në fund, u theksua se situata e sigurisë në vendin tonë është e qetë dhe stabile, ndërsa Policia e Kosovës mbetet e përkushtuar që sipas misionit dhe detyrave të saj, në mënyrë të vazhdueshme të angazhohet në përmbushjen e aktiviteteve dhe objektivave të parapara sipas Strategjisë për parandalimin e përhapjes së ekstremizmit të dhunshëm dhe radikalizmit.

Deri më tani, të kthyer nga zona e konfliktit janë gjithsej 253 persona, prej të cilëve 130 burra, 39 gra dhe 84 fëmijë.

Ndërsa të dielën Ambasada e Shteteve të Bashkuara të Amerikës (ShBA) në kthimi i 11 kosovarëve është një shembull për të tjerët dhe se këto kthime po demonstrojnë gatishmërinë e Kosovës për të marrë përgjegjësi për qytetarët e saj.

Në reagim theksohet se Kosova është lider në luftën kundër terrorizmit dhe ekstremizmit.

“Shtetet e Bashkuara të Amerikës përgëzojnë riatdhesimin e djeshëm të qytetarëve kosovarë nga zonat e konfliktit në Siri. Këto kthime demonstrojnë gatishmërinë e Kosovës për të marrë përgjegjësi për qytetarët e saj duke dhënë një shembull për të tjerët. Kosova është lider në luftën kundër terrorizmit dhe ekstremizmit”, thuhet në reagimin e Ambasadës së ShBA-së në Prishtinë.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/kater-femije-ne-mesin-e-11-qytetareve-te-kthyer-nga-siria-svecla-do-tiu-ofrojme-mbeshtetjen-per-ri-integrim/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala