Katër dosje për gjenocidin ndaj popullatës shqiptare në Çamëri

Autori:Gazeta Fjala

Në muajin shtator të vitit të ardhshëm do të organizohet kongresi i parë Ndërkombëtar i Çamërisë, qëllimi i së cilës është përgatitja e katër dosjeve për të zgjidhjen e çështjes Çame, dosje këto të cilat do kalojnë përmes njohjes nga organizmat ndërkombëtar të drejtësisë që nga ajo e Hagës e deri në Strasburg.

Kurse, më 28 nëntor në Luksemburg, shoqata demokratike shqiptare Den-Haag në Holandë do të organizojë një protestë paqësore për njohjen e gjenocidit ndaj popullsisë shqiptare të Çamerisë.

Sekretari i përgjithshëm i Këshillit Kombëtar të Çamërisë, Lisen Bashkëkurti, ka deklaruar se synimi i katër këtyre dosjeve është njohja e gjenocidit në popullin çamë, provat ndërkombëtare kundër popullit çamë të aplikuar nga qeveritë greke, që nga viti 1913, deri në vitin 1945, ripratrotizimi i popullsisë së shpërngulur me forcë, si dhe rikthimi i pronave.

Këto deklarata ai i bëri gjatë tryezës shkencore me temë “Balli Kombëtar, Çamëria dhe Trojet Etnike Shqiptare”, organizuar nga Shoqata Demokratike Shqiptare “Çamëria” dhe Balli Kombëtar, me të cilëndo të bëhet sensibilizimi i çështjes së pazgjidhur të popullit shqiptar të Çamërisë.

Bashkëkurti tha se këto janë të drejta ndërkombëtare civile të cilat duhet të i njihen dhe të i respektohen shtetit Çamë.

Kryetar i Ballit Kombëtar të Kosovës, Selmon Berisha, tha se Balli Kombëtar tash e pesë vite është duke punuar për çështjen çame, platforma e së cilës është Bashkim Kombëtar. Ai tha se çështja çame për herë të parë po hynë në sistemin amerikan dhe Shtetet e Bashkuara të Amerikës, bashku me ato të perëndimit e mbështesin qëllimin e Ballit Kombëtarë, por ai nuk ka konkretizuar se në çfarë mbështetje i kanë dhënë Shtetet e Bashkuara të Amerikës.

“Balli Kombëtar i Kosovës është duke punuar, vepruar për këtë çështje që pesë vite që shumë gjëra dhe për herë të parë po hynë çështja në sistemin Amerikan. Kemi mbështetjen e Shteteve të Bashkuara të Amerikës, kemi mbështetjen po edhe të perëndimit, të Gjerman ëve dhe të tjerëve. Ne Balli Kombëtar i Kosovës e kemi platformën e qartë, e kemi bashkimin kombëtar”, tha Berisha, transmeton Express.

Këshilli Kombëtar për Çamërinë për të parën herë është themeluar në fund të shtatorit në Holandë, në mënyrë që ky Këshilli të jep orientimin e tij strategjik që çështja e Çamërisë të kalojë përmes ndërkombëtarizmit, si dhe organizmave dhe institucioneve ndërkombëtare.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/kater-dosje-per-gjenocidin-ndaj-popullates-shqiptare-ne-cameri/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala