“Katana” vazhdon të marrë milionat në FSK

Autori:Gazeta Fjala

Poligoni i shenjëtarisë “Katana”, me bazë në Obiliq vazhdon të marrë tender nga ministria e Forcës së Sigurisë së Kosovës.

Kompania e themeluar nga kryetari i Obiliqit Xhafer Gashi, me datën 21 të këtij muaji është shpërblyer për tenderin  “Furnizim me Municion “, i cili parasheh furnizimin edhe për vitin e ardhshëm.

Për vitin fiskal 2015  vlera e kontratës është  438 mijë euro kurse për vitin fiskal 2016 vlera e kontratës arrin  1 milion euro raporton Gazeta Fjala.

Nuk është hera e parë që “Katana”, fiton tenderët e FSK-së. Mediat patën raportuar për “miqësinë” mes drejtuesve të FSK-së dhe biznesit Katana gjatë mandatit të Agim Çekut si ministër.

Themeluesi i “Katanës”,  tani kryetar i Obliqit Xhafer Gashi, kishte qenë përgjegjës për sigurinë e Agim Çekut në kohën kur ai ishte kryeministër, shkruanin mediat.

Një  njësi e Poligonit “Katana” , saktësisht Institutit për Studime të Sigurisë dhe Integrimeve ka qenë i udhëhequr nga ish-zëvendësministri i FSK-së Bejtush Gashin.

Ish zëvendësministri Gashi në biografinë e tij shkruan se ai aty ishte drejtor  nga viti 2007-2011.

Kështu “Katana” gjatë mandatit të Agimin Çekut si ministër i FSK-së për dy vite rresht ( 2013- 2014) shpërblehet me dy tender.

Në të dy rastet FSK negocioi për tenderin, pa qenë tenderi i hapur.

Tenderi i parë për furnizimin me uniforma peshonte  1.2 milionë euro. Kurse tenderi për blerja e tri autoblindave të blindura kishte vlerën 1 milionë  e 490 mijë euro./ Gazeta Fjala

katana tenderi

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/katana-vazhdon-te-marre-milionat-ne-fsk/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala