“Kapitulli 35 nuk ka asgjë më shumë se marrëveshjet e Brukselit”

Autori:Avdyl Pajaziti

Kërkojmë nga Beogradi e Prishtina të normalizojnë marrëdhëniet dhe në Kapitullin 35 nuk ka asgjë që tashmë nuk gjendet në Marrëveshje te Brukseli, ka deklaruar ambasadorja e Francës në Serbi, Christine Morau.

“Në kapitullin 35 nuk ekziston asgjë që tashmë nuk gjendet në marrëveshjet e deritashme ndërmjet Beogradit e Prishtinës. Ky kapitull vetëm merr elementet e Marrëveshjeve të Brukselit dhe mendoj se do të ishte lajm i mirë që ai tani të hapet, sepse tregon se në dialog ka pasur rezultate dhe se Serbia po përparon në negociata për anëtarësim”, ka thënë ambasadorja Morau për gazetën e Beogradit Politika, transmeton Koha.net

“Kërkojmë që Beogradi e Prishtina t’i normalizojnë marrëdhëniet, të merren vesh për gjërat konkrete, për këmbimin ekonomik e kulturor, për jetën e serbëve në Kosovë”, ka thënë ambasadorja.

Në pyetjen se cili është qëndrimi i Francës për anëtarësimin e Kosovës në UNESCO, ambasadorja ka thënë se Franca e ka njohur Kosovën dhe se për këtë arsye nuk e kundërshton hyrjen e Kosovës në UNESCO. /Telegrafi/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/kapitulli-35-nuk-ka-asgje-me-shume-se-marreveshjet-e-brukselit/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala