Lajme 6 vite më parë

Kadri Veseli në Panama takohet me gjykatësin kryesor

Autori:Avdyl Pajaziti

Kryeparlamentari i Kosovës gjatë vizitës në Panama njoftoi se është takouar me kryetarin e Gjykatës Supreme të këtij vendi, Jose Ayu Prado i cili është një ndër personalitetet më të rëndësishëm në Panama si dhe një ndër juristët me më shumë ndikim në mbarë Amerikën Latine.

“Ai na tregoi se si autoriteti i tij shtrihet edhe në Parlamentin e Amerikës Qendrore (PARLACEN) ku do përpiqet që të promovojë Kosovën”, ka shkruar Veseli në faqen e tij në facebook.

“Bashkë biseduam se si konsolidimi i sundimit të ligjit, mundësimi i zbatimit rigoroz të kontratave dhe mbrojtja e pronës private ka luajtur një rol kyç në faktin që Panamaja sot ka një nivel të lartë investimesh të huaja dhe ka siguruar rritjen më të shpejtë ekonomike në rajon . Ne jemi të angazhuar që të ndërmarrim të gjitha reformat e nevojshme legjislative për të mundësuar një ekonomi funksionale të tregut prandaj shkëmbimi i përvojës në fushën e sistemit të drejtësisë është me leverdi të madhe për vendin tonë”, ka shkruar Veseli.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/kadri-veseli-ne-panama-takohet-me-gjykatesin-kryesor/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala