Jahjaga nuk e mohon familjarizmin me Mehmet Agë Rashkocin

Autori:Zekirja Shabani

Presidentja e Kosvës, Ahtifete Jahjaga, ka pranuar lidhjen familjare me Mehmet Agë Rashkocin, të cilin e ka dekoruar me medaljen “Urdhri i Lirisë”. Në një sqarim për opinionin, pas raprtimit të Gazetës Fjala, Zyra e Presidentes ka bërë të ditur se i dekoruari nuk është gjyshi i sajë por lidhje e largët familjare.

Gazeta Fjala raportoi për dekorimin e veprimtarit Mehmet Agë Rashkoci, me rastin e shtatë vjetorit të pavarësisë së Kosovës, duke u referuar në të dhëna publike për lidhjen e saj farefisnore.

Të dhëna për “gjyshin” e Presidentes

 

Lexojeni të plotë reagimin e Zyrës së Presidentes:

Zyra e Presidentes së Republikës së Kosovës, për hir të sqarimit të drejtë të opinionit publik thekson se lajmi i botuar në disa nga mediat që gjoja Presidentja Jahjaga ka dekoruar gjyshin e saj është i pasaktë. Mehmet Aga Rashkoci nuk është gjyshi i Presidentes Jahjaga. Lidhjet e largëta familjare janë rastësi.

Dekorimi i Mehmet Agë Rashkocit është bërë me propozimin e Shoqatës Kulturo Patriotike Gjakovë-Shkodër, që numëron 600 anëtarë, e protokolluar në Zyrën e Presidentes së Republikës së Kosovës me datë 14 nëntor 2014, dhe shqyrtimit të plotë të dokumentacionit nga Komisioni ad hoc i mbledhur nga Zyra e Presidentes së Kosovës për të shqyrtuar kërkesat për medaljet presidenciale.

Ky komision unanimisht ka marrë vendimin që Mehmet Agë Rashkocit t’i ndahet medalja Urdhri i Lirisë, duke iu bashkangjitur një liste bashkëveprimtarësh tashmë të dekoruar për kontributin në kauzën për shtetndërtimin e Kosovës.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/jahjaga-nuk-e-mohon-familjarizmin-me-mehmet-age-rashkocin/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala