Lajme 5 vite më parë

Jahjaga flet për rolin e saj si presidente në Samitit Global të Gruas

Autori:Avdyl Pajaziti

Presidentja e Kosovës, Atifete Jahjaga, mori pjesë në ceremoninë e shënimit të 25 vjetorit të Samitit Global të Gruas që u mbajt në Washington DC.

Në fjalimin e saj Jahjga foli për barazinë gjinore, që sipas saj është shumë e rënesishme  për avancimin e shoqërisë, duke përmendur  rolin që kanë luajtur gratë në Kosovë në periudhat e ndryshme nëpër të cilat ka kaluar vendi.

“Presidentja Jahjaga theksoi domosdoshmërinë për të vazhduar përpjekjet e përbashkëta me qëllim të garantimit të të drejtave të barabarta të grave si dhe përfshirjen e plotë të tyre në të gjitha fushat e jetës”, thuhet në komunikatën e Zyrës së Presidentes së Kosovës

Pas fjalës solemne , presidentja Jahjaga kishte një bashkëbisedim me gazetaren Eleanor Cliff nga Daily Beast dhe gazetaren Maureen Bunyan të ABC7/wJLA-TV, me të cilat bisedoi për periudhën e rezistencës paqësore të shoqërisë kosovare, për periudhën e luftës si dhe për fazat e tjera të shtetformimit të Republikës së Kosovës. Ajo gjithashtu foli edhe për rëndësinë e bashkëpunimit të ngushtë ndërkombëtarë në përballje me sfidat globale siç është terrorizmi dhe radikalizmi.

Presidentja Jahjaga foli edhe për rolin e saj si Presidentja e parë grua në Kosovë dhe në të gjithë rajonin, për rëndësinë e përfshirjes së grave në vendimmarrje dhe për ndryshimin që ato mund të sjellin në shoqëritë e tyre duke mbështetur njëra-tjetrën.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/jahjaga-flet-per-rolin-e-saj-si-presidente-ne-samitit-global-te-gruas/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala