Lajme 6 vite më parë

Ja sulmuesit me vezë të kryeministrit Rama (Foto)

Autori:Avdyl Pajaziti

Qëllohet me vezë automjeti i kreut të qeverisë, Edi Rama. Incidenti u shënua sapo kryeministri Edi Rama doli nga takimi që zhvilloi me biznesin e vogël, të mbajtur në ambientet e Fakultetit të Shkencave Sociale në kryeqytet.

Sipas të dhënave të para mësohet se veza ka rënë mbi automjetin me të cilin lëviz kryeministri Rama.

Nga të dhënat paraprake mësohet se, policia ka shoqëruar së paku 8 studentë, si të dyshuar për sulmin.

Pesë prej studentëve janë nga “Lëvizja për Universitetin” .

“Lëvizja për Universitetin” merr përsipër sulmin

Sulmi është kryer nga aktivistët e “Lëvizja për Universitetin”, lidhur me miratimin e ligjit për arsimin e lartë. Studentët kanë protestuar prej kohësh lidhur me ndryshimet në këtë ligj, të cilët kanë pasur edhe mbështetjen e pedagogëve. 

“Nga aksioni i sotshëm kundër kryeministrit të vendit, aktivistët e Lëvizjes për Universitetin kane gjuajtur vezë ndaj tij, në shenjë mosdakordësie ndaj “Ligjit për Arsimin e Lartë” të bërë nga qeveria e tij. Të arrestuar janë:

Anita Lushi

Klodi Hoxha

Valton Marku

Bora Mema

Dardan Konjufca

Liri Kuci

Durim Jasharaj

Vitori Cipi.

Kërkojmë nga policia e Komisariatit nr. 2 lirimin e tyre”, thuhet në njoftimin e lëvizjes në “Facebook”.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/ja-sulmuesit-me-veze-te-kryeministrit-rama-foto/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala