Ja pse u rrëzua aeroplani i “Malaysian Airlines”

Autori:Avdyl Pajaziti

Aeroplani i fluturimit “MH17” i kompanisë “Malaysian Airlines” u rrëzua si pasojë e goditjes nga një raketë ruse model “9M38”, konfirmon Bordi Holandez i Sigurisë.

Në raportin zyrtar të publikuar sot thuhet se raketa goditi pjesën e përparme majtas, duke shkëputur pjesë nga trupi i avionit.

Ukraina dhe vendet perëndimore thonë se raketën e lëshuan nga toka separatistët pro-rusë, por Moska pretendon se aeroplani “Boeing 777” u qëllua nga territoret e kontrolluara nga forcat ukrainase.

Avioni me 298 udhëtarë që fluturonte nga Amsterdami në Kuala Lumpur u rrëzua më 17 korrik 2014 në rajonin e Donjetskut, zonë e kontrolluar nga forcat pro-ruse në kulmin e konfliktit mes trupave ukrainase dhe separatistëve të mbështetur nga Moska. Mes viktimave ishin 196 holandezë dhe 10 britanikë.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/ja-pse-u-rrezua-aeroplani-i-malaysian-airlines/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala