Ja kush janë ata që e këshillojnë Kadri Veselin

Autori:Avdyl Pajaziti

Ish- kryetari i Odës Ekonomike Amerikane në Kosovë, i cili kohëve të fundit është marrë në vazhdimësi edhe me analiza të çështjeve ekonomike,  Lekë Musa është emëruar si këshilltar i kryetarit të Kuvendit të Kosovës, Kadri Veseli.

Lajmin e ka konfirmuar për Gazetën Blic, një burim i afërt me kryetarin e Kuvendit të Kosovës. “Pjesë e kabinetit të kryetarit të Kuvendit, është edhe Lekë Musa. Ai është emërëuar si këshilltarë për çështje ekonomike”, ka thënë ky burim.

Sipas këtij burimi, Lekë Musa ka një përgatitje të duhur akademike dhe ka përvojën e nevojshme për të qenë këshilltarë i kryetarit të Kuvendit.

Pos Musës, Veseli si këshilltarë të tij për çështje politike e ka emëruar edhe filozofin Blerim Latifi dhe ish- zëvendësministrin e Integrimeve Evropiane, Gëzim Kasapolli.

Megjithatë, në ueb faqen e Kuvendit të Kosovës, është e zbrazët hapësira se kush e përbën kabinetin e kryetarit të Kuvendit. Pra, as tre muaj pas zgjedhjes së kryetarit të Kuvendit, ende nuk janë bërë transparentë emrat dhe numri i këshilltarëve të kryetarit të legjislativit./ Gazeta Blic

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/ja-kush-jane-ata-qe-e-keshillojne-kadri-veselin/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala