Ja cili telefon e ka kamerën më të mirë (Foto)

Autori:Avdyl Pajaziti

Të gjithë prodhuesit e telefonave të zgjuar pretendojnë se ofrojnë kamerën më të mirë të mundshme, ndaj duhet të jemi të qartë para se të bëjmë një zgjedhje.

“Yahoo” na jep një udhërrëfyes duke marrë shembull gjashtë modele: “iPhone 6”, “iPhone 6 Plus”, “Samsung Galaxy S6”, “Samsung Galaxy Note 4”, “LG G4” dhe “HTC One M9”. Secili prej këtyre telefonave ka dalë në treg brenda vitit të fundit.

Ajo çka u vu re nga analiza është se numri i megapikselave jo domosdoshmërisht përkthehet në një kamera më të mirë.

Renditja u bë pas vlerësimit me pikë (1-6) secilën kamera, duke u bazuar në gjashtë elementë: cilësia e detajeve në distancë, cilësia e ngjyrave dhe detajeve në distancë, cilësia e kontrastit të ngjyrave, cilësia e detajeve nga afër, cilësia e fotove-portret dhe cilësia e fotove në dritë të dobët.

Pas disa provash rezultoi se “LG G4” ka kamerën më të mirë, me 32 pikë nga 36 të mundshme, e ndjekur me radhë nga “Galaxy S6” (29), “Galaxy Note 4” (25), “iPhone 6 Plus” (17), “iPhone 6” (15) dhe “HTC’s One M9” (8 pikë).

“LG G4” kap pamje më të detajuara dhe me ngjyra, ndërsa nëse kërkoni një kamera që ofron më pak detaje por ngjyra më të mira, “Galaxy S6” dhe “Galaxy Note 4” janë zgjedhje të mira. Nga ana tjetër, “iPhone 6” dhe “iPhone 6 Plus” janë të mirë për foto me ngjyra cilësore, por që e humbasin cilësinë nëse zmadhohen, për shkak të numrit të vogël të megapikselave. E nëse doni një telefon të zgjuar me kamera cilësore, “HTC One M9” nuk është një ide e zgjuar.

Cilësia e detajeve në distancë: “LG G4”

Cilësia e ngjyrave dhe detajeve në distancë: “Samsung Galaxy S6”

Cilësia e kontrastit të ngjyrave: “Samsung Galaxy S6”

Cilësia e detajeve nga afër: “LG G4”

Cilësia e fotove-portret: “LG G4”

Cilësia e fotove në dritë të dobët: “LG G4”

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/ja-cili-telefon-e-ka-kameren-me-te-mire-foto/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala