Lajme 5 vite më parë

Ja çfarë thotë Grabovci për iniciativën e Osmanit dhe Dedës

Autori:Gazeta Fjala

Dy deputetë të Kuvendit të Kosovës, që konsiderohen si “disidentë” nga partitë e tyre, Vjosa Osmani e Lidhjes Demokratike të Kosovës (LKD) e Ilir Deda nga Lëvizja “Vetëvendosje”, kanë prezantuar një plan konkret për daljen nga kriza politike dhe legjislative në Kosovë.

Ata këtë plan pretendojnë t’ua dorëzojnë liderëve të partive politike, Hashim Thaçit, Isa Mustafës, Ramush Haradinajt, Visar Ymerit dhe Fatmir Limajt, që ta nënshkruajnë dhe t’i japin fund krizës dhe bllokadës politike në vend.

Lidhur me këtë marrëveshje kanë reaguar partitë politike në vend. Partia Demokratike e Kosovës thotë se nuk mund të flasë një herë për këtë marrëveshje, e cila parasheh daljen nga kriza institucionale.

“Sinqerisht, nuk e kam parë propozimin e tyre, prandaj nuk mund të them asgjë”, ka thënë për gazetën “Zëri”, shefi i Grupit Parlamentar të PDK-së, Adem Grabovci.

Ndryshe, në këtë marrëveshje, e cila ka pesë pika, parashihet që Kuvendi i Kosovës ta themelojë një komision hetimor të udhëhequr nga opozita për ta shqyrtuar Marrëveshjen për Demarkacionin e Kufirit me Malin e Zi.

Në lidhje me Asociacionin e Komunave Serbe aty thuhet se Kuvendi i Kosovës do t’i zgjedhë dy anëtarët e rinj të Gjykatës Kushtetuese me qëllim që vendimi i saj për kushtetutshmërinë e parimeve për themelimin e Asociacionit të Komunave Serbe të bëhet me Gjykatë Kushtetuese të kompletuar.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/ja-cfare-thote-grabovci-per-iniciativen-e-osmanit-dhe-dedes/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala