Ja çfarë konsumojmë në Kosovë, leckë në lëngjet e Fructalit

Autori:Avdyl Pajaziti

Besfort Axhanela, qytetar nga Prishtina ka gjetur diçka të çuditshme në një paketim të lëngjeve të kompanisë “Fructal”.

Axhanela, i cili dje është furnizuar me këtë lëng në njërën prej marketeve në Prishtinë, dyshon se në paketimin e këtij lëngu ka gjetur leckë e cila përdorët për pastrimin e veturave.

“Dje rreth orës 9:55 në mëngjes e kom ble unë Fructal-in e dardhës. Mbrëmë natën bashkëshortja ime mori me e hap dhe me ja dhënë djalit të vogël, se ai zakonisht konsumon këtë lloj lëngu. Edhe pasi që e ka hapur i ka ardh një erë shumë e keqe. Pasi që morëm me e derdh nga paketimi doli kjo lloj lecke, e cila duket si ajo që pastrohen veturat”, tha Axhanela për KosovaPress.

Axhanela tregon se për këtë është ankuar dhe ka lajmëruar edhe në organizatën për Mbrojtjen e konsumatorit dhe pret që të hënën të procedohet kjo çështje.

Në korrik të vitit 2011, kompania e Fructal-it shkon në pronësi të një pronari serb. Ky i fundit i cili është pronar edhe i kompanisë Nectar, tashmë ka në pronësi edhe Fructal-in Slloven.

Pronari i kësaj kompanie konsiderohet si njëri ndër investitorët më të mëdhenj serb në Slloveni.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/ja-cfare-konsumojme-ne-kosove-lecke-ne-lengjet-e-fructalit/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala