Ish-kryetari i Pejës, Ali Berisha zëvendëson Haradinajn në Kuvend

Autori:Avdyl Pajaziti

Liderin e Aleancës për Ardhmërinë e Kosovës, Ramush Haradinajn, sipas rezultateve të KQZ-së, do ta zëvendësojë në Kuvendin e Kosovës, bashkëpartiaku i tij, ish-kryetari i Pejës, Ali Berisha.

Ramush Haradinaj dje dha dorëheqje të parevokueshme nga pozita e deputetit të Kuvendit të Kosovës.

Ali Berisha, mjek me profesion, ka qeverisur me Pejën për 5 vjet e 8 muaj. Gjatë qeverisjes në këtë komunë, Berisha njihet si njeri që ka aftësi të punojë në ekip. Qeverisja e tij lokale në Pejë, karakterizohet nga projekte vitale. Ka lënë gjurmë në investimet në zonat urbane të Pejës por edhe ato rurale.

Ish-Kryetari i Pejës, Ali Berisha njihet si njeri shumë popullor gjatë mandateve në krye të Pejës i dëshmuar në punë menaxheriale dhe ekzekutiv. Ai tani mbanë pozitën e sekretarit organizativ në AAK, ndërsa fal votave të fituara në zgjedhjet e fundit dhe pas dorëheqjes së shefit të tij partiak, Ramush Haradinaj, nga pozita e deputetit të Kuvendit, Berisha pritet të marrë këtë pozicion në legjislativ.

Referuar nga e kaluara e tij në pozita udhëheqëse e menaxheriale, Berisha nuk shihet si natyrë njeriu që i shkojnë përshtati metodat e rreptakundërshtuese opozitare, siç është ‘gazi losjellës’.

Berisha mbahet mend nga mediat edhe si i vetmi kryetar komune, që në çastet e para të komunikimit të rezultateve zgjedhore të vitit 2013, në praninë e mediave e pati uruar kundërkandidatin e tij fitues Gazmend Muhaxherin, duke e bërë Pejën shembull të demokracisë.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/ish-kryetari-i-pejes-ali-berisha-zevendeson-haradinajn-ne-kuvend/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala