Lajme 5 vite më parë

Ish-kryetari i Kamenicës sot para gjykatës

Autori:Avdyl Pajaziti

Gjykata Themelore në Gjilan ka njoftuar se sot do të mbahet seancë gjyqësore ndaj ish-kreut të Kamenicës, Shaip Surdulli, i dyshuar për veprën penale “keqpërdorimi i pozitës zyrtare apo autoritetit zyrtar”.

Seanca do të fillojë në ora 14:00, ku kryetari i truput gjykues do të jetë Afrim Shala.

Ndryshe, Prokuroria Themelore në Gjilan-Departamenti për krime të rënda në vitin 2003, ka nisur hetim zyrtar kundër ish-kreut të Kamenicës, Shaip Surdulli, i dyshuar për veprën penale “keqpërdorimi i pozitës zyrtare apo autoritetit zyrtar”.

Prokuroria Themelore në Gjilan në kuadër të Departamenti për krime të rënda ka nxjerrë aktvendim për zhvillimin e hetimeve kundër Shaip Surdullit kryetar i Komunës së Kamenicës.

“Ekziston dyshimi i arsyeshëm se gjatë vitit 2011 në cilësinë e kryetarit të Komunës së Kamenicës, Shaip Surdulli ka keqpërdorur pozitën dhe autoritetin zyrtar me qëllim të përfitimit, ashtu që ka krijuar shpenzime pa mbulesë duke e shfrytëzuar veturën zyrtare, dhe duke mos mbajtur evidencë për kilometrat e kaluara dhe duke përdorur veturën zyrtare për nevoja personale, private jashtë obligimeve zyrtare”, thuhet në aktvendimin e nxjerrë nga prokurori i rastit Arben Kadriu.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/ish-kryetari-i-kamenices-sot-para-gjykates/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala