IPKO me 4G shumë shpejtë edhe në qytetet jashtë Prishtinës

Autori:Zekirja Shabani

Në një intervistë të dhënë për Radio Televizionin e Kosovës, zyrtarët e telefonisë mobile IPKO kanë njoftuar se përveç zgjerimit të rrjetit 3G dhe rritjes së kapacitetit do të fillojë edhe me ofrimin e rrjetit 4G nëpër qytetet e mëdha të Kosovës. Sipas deklarimit zyrtar të IPKO-së, ky zgjerim pritet të ndodhë në javët në vijim.

Sipas zyrtarit të IPKO-së, Alban Kastrati thuhet se IPKO brenda javëve të ardhshme do të fillojë me ofrimin e rrjetit 4G në të gjitha qytetet e Kosovës, si dhe me vazhdimin e zgjerimit të rrjetit 3G edhe nëpër zona rurale, projekt të cilin tashmë IPKO e ka filluar.

Në ndërkohë, shefi i ARKEP, Ekrem Hoxha ka folur për brezin e ri frekuencor të cilin do ta mundësojë rregullatori, dhe ka thënë se aktualisht operatorët mobil kosovar janë të licencuar për ofrimin e rrjeteve 3G dhe 4G, mirëpo sipas tij, brezi frekuencor nuk u lë atyre mundësi për shërbim të dëshirueshëm.

“Autoriteti duhet të vendos resurse frekuencore shtesë, në mënyrë që operatorët këto investime të mëdha që i kanë bërë në teknologji të mund ti afrojnë më shumë për konsumatorët e tyre, për ta rritur shpejtësinë e internetit dhe për ta rritur përvojen pozitive nga përdorimi i komunikimeve elektronike” ka thënë Ekrem Hoxha, kryetar i Bordit të ARKEP.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/ipko-me-4g-shume-shpejte-edhe-ne-qytetet-jashte-prishtines/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala