I varfër si Azem Syla

Autori:Avdyl Pajaziti

Akuzohet se është milioner dhe se mbi vete ka Hotelin “ Victory” e “Grand”, dhe  të gjithë tenderët e KEK-ut.  Madje, për të thonë se edhe punësimi nëpër institucione është në dorën e tij.

Mirëpo, deputeti i Partisë Demokratike të Kosovës, Azem Syla nuk është kaq i pasur nëse shihet formulari i pasurisë i deklaruar në Agjencinë Kundër Korrupsionit.

Siç ka deklaruar Syla në AKK “bukën e gojës” e siguron në Kuvendin e Kosovës, pasi  vetëm nga aty i ka të hyrat vjetore prej 17,474.00 euro, raporton Gazeta Fjala.

Syla aktualisht edhe llogaritë në banka i ka zero-zero. Pasi në deklarim të pasurisë ka treguar se nuk ka para të ruajtura në bankë.

Gjithashtu deputeti më i heshtur i PDK’së nuk ka as veturë të vetën.

Ai pasurinë më të madhe e ka në paluajtshmëri, që gjithsej e kapin shumën 170 mijë euro, nga këto 1 shtëpi, 1 banesë dhe 1 tokë.

Deklarim e plotë të pasurisë së deputetit Azem Syla mund ta lexoni këtu: /Gazeta Fjala/.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/i-varfer-si-azem-syla/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala