I larguan nga sheshi shitësit ambulant [Foto]

Autori:Avdyl Pajaziti

Të hershem u treguan të martën inspektoret komunal të Prishtinës. Ata rreth orës 10:00 morën një aksion për largimin e shitësve ambulant nga hapësirat e shesheve kryesore të kryeqytetit. Gjatë aksionit, inspektoret edhe konfiskuan mall.

E natyrisht, ky aksion u zhvillua duke u kundërshtuar nga këta shitës. Disa prej tyre, të cilët deri në ato momente shisnin telefona mobil në sheshin “Nënë Tereza” veprimin e tillë nga ana e Komunës së Prishtinës po e shohin si plaçkitje ndaj tyre, pasi nuk janë paralajmëruar.

“Ata veç erdhën edhe na morën sendet pa thënë kurrgjë”, tha njëri nga shitësit, shkruan gazeta express.

“Na kemi me u anku, se kjo është plaçkitje. Na ja kemi dhanë votën Shpendit e ai na ka bo qeto”, shtoj një shitës tjetër ambulant, përderisa i merrej malli që ishte duke e shitur në shesh.

Përveç shitësve të telefonave, nga sheshi janë larguar edhe shitësit tjerë ambulantë dhe po ashtu ju janë konfiskuar pajisjet e tyre të punës.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/i-larguan-nga-sheshi-shitesit-ambulant-foto/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala