Lajme 6 vite më parë

I dënuar me burg, ende prokuror i shtetit

Autori:Avdyl Pajaziti

Prokurori Nazmi Mustafi ishte arrestuar në vitin 2012, ku në aktakuzën ndaj tij rëndonin vepra penale e keqpërdorimit të pozitës apo autoritetit zyrtar dhe posedim pa leje i armës. Por ndonëse është dënuar dhe aktgjykimi ndaj tij është i plotfuqishëm juridikisht, ai vazhdon të jetë prokuror.

Mustafi, i cili është në përfundim të vuajtjes së dënimit, pasi vepra penale për arërmbajtje pa leje është aministuar pas hyrjes në fuqi të Ligit për amnisti, si dhe Gjykata e Apelit ia ka ulur vitet e dënimit. Ai  aktualisht mban detyrën e prokurorit të Prokurorisë Speciale me dekret të Zyrës Presidenciale.

Mustafi asnjëherë nuk është shkarkuar nga posti i prokurorit, pasi këtë gjë nuk e kanë kërkuar asnjë nga institucionet kompetente, në këtë rast as Këshilli Prokuroria i Kosovës (KPK).

Në vitin 2010, Mustafi është dekretuar nga presidenti i atëhershëm Fatmir Sejdiu si prokuror i Prokurorisë Speciale të Republikës së Kosovës (PRSK). Më 2 prill të vitit 2012, ai ishte emëruar shef i Task-Forcës që kishte si mision luftën ndaj korrupsionit.

Drejtuesja e PRSK-së, Sevdije Morina, thotë për Kosova Sot se ata kanë kërkuar nga Komisioni i KPK-së që të shkarkojë Mustafin, por se në mungesë të kuorumit kjo çështje nuk është diskutuar ende.

“Menjëherë pas marrjes së aktvendimit të plotë dënues nga Gjykata e Apelit, për Nazmi Mustafin, Komisioni Diciplimor i KPK-së ka vendosur për shkarkimin e tij. Komisioni atë vendim ia ka dërguar KPK-së për procedura të mëtutjeshme, por në mungesë të kuorumit për të vendosur për këtë çështje nuk e ka diskutuar ende. Presim që menjëherë pasi të ketë kuorum për të vendosur KPK-ja do të vendosë për t’i propozuar presidentes shkarkimin e Nazmi Mustafit nga pozita e prokurorit”, ka thënë Morina.

Derisa nuk do të ketë një vendim nga KPK-ja, e më pas shkarkim nga presidentja Atifete Jahjaga, Nazmi Mustafi do të vazhdojë të gëzoj titullin e prokurorit./KosovaSot/.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/i-denuar-me-burg-ende-prokuror-i-shtetit/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala