Hyseni në Belgjikë kërkon liberalizimin e vizave

Autori:Avdyl Pajaziti

Ministri i Punëve të Brendshme të Republikës së Kosovës gjatë qëndrimit të tij në Bruksel, pasditën e djeshme ka takuar ministrin e Punëve të Brendshme të Mbretërisë së Belgjikës Jan Jambon.

Me homologun e tij belg, Hyseni ka biseduar për një numër çështjesh më rëndësi siç janë liberalizimi i vizave, ekstremizimi i dhunshëm, krimi i organizuar, bashkëpunimi i shtuar policor midis Kosovës dhe Belgjikës si dhe ka folur për rëndësinë e anëtarësimit të Kosovës në Interpol, njofton kumtesa zyrtare .

Sa i përket çështjes së liberalizimit të vizave, me ç’rast një mision vlerësues I Komisionit Evropian po qëndron këto ditë në Kosovë, Hyseni theksoi nevojën e domosdoshme që qytetarët kosovarë të mund të lëvizin lirshëm në vendet e Bashkimit Evropian duke qenë se Kosova është vendi i vetëm i rajonit që ka mbetur i izoluar.

“Për më tepër, ‘derisa qytetarët e vendeve të largëta, sikurse Timori Lindor, lëvizin pa viza brenda shteteve të Schengenit, nuk ka kuptim që qytetarët e Kosovës të mos lëvizin”, theksoi Hyseni.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/hyseni-ne-belgjike-kerkon-liberalizimin-e-vizave/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala