Hyseni, komandantit të KFOR-it: Vizita e Dikoviqit, e papranueshme

Autori:Gazeta Fjala

Pas debatit të fundit që u shkaktua pas vizitës së Gjeneralit serb, Dikoviq, i akuzuar për krime lufte në Kosovë, Ministri i Punëve të Brendshme, Skender Hyseni ka takuar komandantin e KFOR-it, Guglielmo Luigi Miglietta, për të kërkuar sqarime.

Në njoftimin për media thuhet se “derisa vlerësohet lartë kontributi i KFOR-it në Kosovë, për paqe dhe siguri në Kosovë, ministri Hyseni i përcolli komandantit të KFOR-it shqetësimin e thellë rreth vizitës së Gjeneralit Dikoviq, me ftesë të KFOR-it”.

“Vizitat e tilla të ushtarakëve serbë, të akuzuar nga shoqatat e të drejtave të njeriut, duke përfshirë edhe ato serbe, për krime lufte në Kosovë, nuk i kontribuojnë rendit dhe sigurisë së përgjithshme. Për më tepër, vizitat e tilla mund të destabilizojnë situatën. Si të tilla, këto vizita janë të papranueshme dhe nuk duhet të ndodhin”, theksoi ministri Hyseni, raporton Arta TV.

Në fund theksohet se Ministri e komandanti i KFOR-it, u dakorduan që komunikimi në mes të KFOR-it dhe MPB-së, në të ardhmen të jetë më efektiv, në mënyrë që vizitat nga ana e individëve apo ushtarakëve nga Serbia, të akuzuar për krime lufte në Kosovë të mos ndodhin.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/hyseni-komandantit-te-kfor-it-vizita-e-dikoviqit-e-papranueshme/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala