Hiqen dilemat: Armend Zemaj e gjuajti me gotë opozitën (Video)

Autori:Gazeta Fjala

Një video që po qarkullon në rrjete sociale tregon përfundimisht se deputeti i LDK-së, Armend Zemaj ishte ai që gjuajti me gotë kolegët e tij të opozitës, gjatë seancës ku këta të fundit sulmuan me vezë kryeministrin Isa Mustafa.

Në media ishte raportuar menjëherë pas kësaj ngjarje, se Zemaj ishte ai që sulmoi me gotë qelqi, opozitën, por ai e kishte mohuar këtë.

Mirëpo kjo video heq tashmë këto dilema. Në këndin e poshtëm (ana e majtë) shihet qartë se Zemaj gjuan gotën e qelqit në drejtim të opozitës e cila në ato momente gjuante me vezë kryeministrin.

Fillimisht, se ka kryer një veprim të tillë, deputetja e VV-së, Albulena Haxhiu, e kishte akuzuar deputetin tjetër të LDK-së, Naser Osmanin, raporton Express.

Ndryshe, Mustafa gjatë kësaj seance ishte paraparë të raportonte para deputetëve të Kuvendit të Kosovës për marrëveshjet e arritura në Bruksel bashkë me homologun e tij serb, Aleksandar Vuçiq.

Video mund ta shihni këtu

 

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/hiqen-dilemat-armend-zemaj-e-gjuajti-me-gote-opoziten-video-see-more-at-httplajmi-nethiqen-dilemat-armend-zemaj-e-gjuajti-me-gote-opoziten-videosthash-w0ktuooy-dpuf/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala