Lajme 5 vite më parë

Haradinaj padit Gazmend Muhaxherin për fyerje dhe shpifje

Autori:Avdyl Pajaziti

Lideri i Aleancës për Ardhmërinë e Kosovës, Ramush Haradinaj, përmes avokatit të tij Arianit Koci ashtu siç kishte paralajmëruar e ka dorëzuar sot në Gjykatën Themelore të Pejës padinë kundër kryetarit të kësaj komune, Gazmend Muhaxherit.

Avokati i Hardinajt, Arianit Koci ka thënë për Klan Kosovës se padia është dorëzuar për shkak të shpifjve dhe fyerjeve që i ka bërë zoti Muhaxheri në drejtim të klientit të tij.

“Fjalorin të cilin e ka përdorur dhe shpifjet nga z. Muhaxheri  e kalojnë diskursin politik dhe kalojnë në domenin civil dhe juridik. Ato shpifje e kanë dëmtuar rëndë reputacionin e zotit Haradinaj,” ka thënë Koci për Klan Kosovën.

Kjo padi është bërë për shkak se i pari i Pejës, Gazmend Muhaxheri, në një intervistë dhënë gazetës austriake Der Standard ka thënë se Haradinaj e ka humbur mbështetjen ngase ende fiton përmes bixhozit dhe naftës duke aluduar se Haradinaj ka pasur lidhje me disa banda që kanë qenë të përfshira në vrasje.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/haradinaj-padit-gazmend-muhaxherin-per-fyerje-dhe-shpifje/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala