Haradinaj: “Ndaluni sa s’është bërë vonë”

Autori:Avdyl Pajaziti

Lideri i Aleancës për Ardhmërinë e Kosovës, Ramush Haradinaj, ka deklaruar se Policia në protestën e së mërkurës ishte në shërbim të pushtetit.

Sipas Haradinajt, opozita nuk do të ndalet deri në tërheqje të marrëveshjeve për Asociacionin dhe Demarkacionin me Malin e Zi.

Ai thotë se kundërshtimi i opozitës do të vazhdojë edhe nëse arrestohet e gjithë opozita.

Ai ka bërë thirre pushtetarëve që të ndalen sa nuk është bërë vonë për Kosovën. Haradinaj i ka komentuar edhe sjelljet e policisë së Kosovës duke thënë se ata u vënë në ndjekje të opozitarëve, raporton ‘Zëri’.

Ndërkaq, lideri i Vetëvendosjes, Visa Ymeri ka thënë se këto urdhra politik për ndjekjen e opozitës janë të papranueshme. Ai ka thënë se i bëjnë thirrje komandanteve të policisë që të mos bëhen instrument i politikes,por të jetë në shërbim të shtetit.

“Ne nuk do të lejojmë që republika të jetë e kapur, por do të punojmë që kjo të jetë republike e qytetarëve”, ka thënë Ymeri.

Sipas Fatmir Limaj, sot Kosova është kapur nga dy njerëz ku sipas tij, ata janë të gatshëm që të rrënojnë shtetin për interesa personale.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/haradinaj-ndaluni-sa-seshte-bere-vone/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala