Haradinaj: Mustafa e Thaçi shkelën mbi interesat e shtetit

Autori:Gazeta Fjala

Ramush Haradinaj kryetari i AAK-së gjatë një konference për media ka folur rreth nënshkrimit të marrëveshjes në mes Kosovës dhe Serbisë për Asociacionin e Komunave me shumicë serbe.

Haradinaj ka thënë se nënshkrimi i kësja marrëveshje shkel mbi interesat e Kosovës dhe popullit të saj.
“Nënshkrimi i marrëveshjes për Asociacionin e Komunave me shumicë serbe mendojmë se është kthim mbrapa për Kosovën, është një situatë që Kosovën e kthen mbrapa dhe e vendos në një pozicion të komplikuar të zhvillimit më tej.

Aleanca e shpreh kundërshtimin e vet për marrëveshjen e tillë e cila në shumë dimensonie rrezikon me funksionimin e sovranitetit, integritetit territorial por edhe shtetësisë së Kosovës”, ka thënë Haradinaj.
Ai e ka quajtur nënshkrimin e marrëveshjes si zhvillim negativ për vendin duke e konsideruar shumë shqetësuese.
“Kjo që ka ndodhë është një zhvillim negativ, është në kthim prapa. Nga ajo që është publikuar deri më tani ne i kemi analizuar dhe ajo që kemi parë është shumë shqetësuese dhe zoti Mustafa e zoti Thaçi kanë shkelur mbi interesat e Kosovës”, ka thënë Haradinaj.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/haradinaj-mustafa-e-thaci-shkelen-mbi-interesat-e-shtetit/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala