Lajme 6 vite më parë

Haradinaj: Kuvendi i ka dhënë njëherë votën e tij

Autori:Avdyl Pajaziti

Lideri i Aleancës për Ardhmërinë e Kosovës (AAK), Ramush Haradinaj, e ka konsideruar të pakuptimtë riprocedimin për votim në Kuvendin e Kosovës të amendamenteve kushtetuese që i hapin rrugë themelimit të Gjykatës Speciale.
Kuvendi tashmë ka vendosur për këtë çështje, prandaj Haradinaj vlerëson se tani institucionet e Kosovës duhet të punojnë për ta themeluar një gjykatë vendore për krime lufte, e cila nuk do të ishte selektive dhe që do t’i gjykonte të gjitha krimet e kryera gjatë luftës.

Këto deklarata kreu i AAK-së i ka thënë në intervistën të dhënë për gazetën “Zëri”, ku ka mohuar mundësinë që partia, që ai drejton, ta kundërshtojë këtë Specialen edhe në format radikale.

Haradinaj tha se qëndrimi kundër Speciales nuk ka të bëjë me çështjet subjektive, por tha se veprimi është politik dhe lidhet kryekëput për çështjen e Kosovës.

Ai ka vlerësuar se në Kosovë ka prioritete më të mëdha sesa themelimi i Gjykatës Speciale, siç është niveli i lartë i krimit e korrupsionit./Zëri/

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/haradinaj-kuvendi-i-ka-dhene-njehere-voten-e-tij/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala