Eko 6 vite më parë

Hapen ofertat për ndërtimin e platesë mbi “Kurriz”

Autori:Avdyl Pajaziti

Komuna e Prishtinës po synon që brenda gjashtë muajve, duke filluar nga gjysma e vitit të bëjë ndërtimin e bulevardit mbi “Kurriz”, nga ku platesë do t’i jepet pamje e re. Hapja e ofertave të kompanive konkurruese është bërë të premten (dje) dhe fituesi i tenderit pritet të shpallet gjatë javës së ardhshme.

Zyra e Prokurimit në Komunë së bashku me Drejtorinë e Infrastrukturës ka hapur ofertat e kompanive, përderisa sipas procesverbalit të siguruar nga gazeta “Zëri”, shihet se për këtë tender kanë garuar 11 kompani. Oferta më e lartë kalon shumën prej 2 milionë eurosh, përderisa më e lira është mbi 900 mijë euro.

Komuna e Prishtinës po synon që ta realizojë për së dyti herë këtë tender, pasi që herën e parë gazeta “Zëri” pati raportuar se Komuna po ia përgatiste një tender të madh kompanisë “Kreativ”, duke ia përshkruar në dosje pikë për pikë, emrin, madhësinë, si dhe trashësinë e pllakës që do të vendoset mbi platenë e lagjes “Dardania” në kryeqytet./Zeri/.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/hapen-ofertat-per-ndertimin-e-platese-mbi-kurriz/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala