Sulmohet makina e Halil Budakovës, i vidhen 3000 euro

Autori:Avdyl Pajaziti

“Halilit asnjëherë s’kanë guxu me ja vjedh këpucët në xhami për Bajram”, është një nga “faktet” e shumta për fuqinë e aktorit Halil Budakova në një faqe të fansave të tij në rrjetin social “Facebook”.

Mirëpo dikush i ka shpërfillur “këto fakte”, ose nuk e ka ditur që është vetura e tij, kur ka vendosur t’ia thyejë atë.

Mbi dy mijë euro para të thata dhe rreth një mijë euro vlerë telefona e gjësende të tjera i janë vjedhur aktorit nga vetura rreth tre muaj më parë. Automjetin me të cilin kishte shkuar për vizitë e kishte parkuar rreth njëzet metra nga hyrja e Burgut të Dubravës, në një parking joformal.

Budakova është një nga viktimat e vjedhjeve që po ndodhin në afërsi të Burgut të Dubravës. Persona deri tash të pazbuluar janë duke ua thyer veturat vizitorëve të të burgosurve e të paraburgosurve. Deri tash askush nuk është arrestuar.

Viktimat dhe policia dyshojnë se vjedhjet janë duke i kryer personeli i burgut. Këtë e mbështesin në faktin se aty nuk ka shtëpi banimi as banorë pos një kioske dhe gardianëve./Koha Ditore/.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/halil-budakoves-i-vidhen-mbi-tri-mije-euro-ne-veture/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala