Greva vazhdon dhe nesër

Autori:Avdyl Pajaziti

Edhe përkundër deklarimeve të Qeverisë se pagat e mësimdhënësve këtë muaj do të dalin me rritje, SBASHK’u do të vazhdojë me grevë deri në mbledhjen e Këshillit Drejtues.

 Këtë të diel Këshilli Drejtues do të mbajë mbledhjen e radhës për të diskutuar mbi hapat e më mëtutjeshëm të grevës në të gjithë nivelin arsimor të Kosovës.

Kryetari i SBASHK, Rrahman Jasharaj, ka thënë për Gazetën Express se deri të dielën do të shikohen të gjitha lëshimet e bëra nga Qeveria në llogaritjen e përvojës së punës të mbi 90 për qind të punësuarve, ku iu mungojnë 7 vite të përvojës së punës dhe më pas do të mbahet mbledhja e Këshillit Drejtues.

“Ne i kemi angazhuar personat në nivel lokal që të shikojnë se çfarë lëshimesh janë bërë në lidhje me kalkulimin e 0.5%”, tha Jasharaj për Gazetën Express.

Po ashtu SBASHK ka reaguar për deklaratat e Ministrit Hoti dhe nuk kanë kërkuar takim me këtë Ministri pa u mbajtur mbledhja e Këshillit. Kurse sa i përket Universitetit Publik shumë nga fakultetet nuk iu janë bashkangjitur grevës.

Sipas Jasharajt, profesorët në Universitet e kanë rrogën e madhe nuk për ta nuk është problem llogaritja e përvojës së punës.

“Profesorët në Universitet e kanë rrogën shumë të madhe andaj për ta nuk është problem nëse zbatohet marrëveshja. Problem në Universitet është administrata, ku rrogat e tyre janë për mjerim”, shtoi Jasharaj.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/greva-vazhdon-dhe-neser/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala