Lajme 6 vite më parë

Grabovci opozitës: Ejani në Parlament shprehni shqetësimet

Autori:Avdyl Pajaziti

Shefi i Grupit Parlamentar të PDK’së, i cili ka marrë pjesë në mbledhjen e kryesisë së Kuvendit, i ka bërë thirrje opozitës që t’i shpreh shqetësimet në Parlament.

“Shpresojmë se Parlamenti do t’i rikthehet normalitetit të punës. Në rend të ditës kemi shqyrtime të çështjeve të ndryshme me rëndësi, kështu që duhet të punojmë me intensitet të shtuar për ta kompenzuar kohën e humbur” ka thënë ai.

Opozita e ka bojkotuar mbledhjen e Kryesisë së Kuvendit ku është vendosur që seanca të vazhdojë të enjten.

“Opozita duhet të vijë ta thotë fjalën e vet aty ku e ka vendin sepse nëse vazhdojmë në këtë mënyrë po rrezikojmë vendin dhe stabilitetin e institucioneve. Bllokimi i kuvendit është I paarsyeshëm. Sikur ta bllokonte pozita opozitën atëherë opozita do të kishte të drejtë, por ne po I bëjmë thirrje që të vijnë ti shprehin shqetësimet në parlament” ka thënë ai.

“Partnerët e koalicionit nuk janë për eskalim të dhunës. Jam shumë i sigurt se të enjten seanca do të zhvillohet në mënyrë normale dhe opozita do të vijë ta thotë fjalën e vet” ka shtuar ai.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/grabovci-opozites-ejani-ne-parlament-shprehni-shqetesimet/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala