Goleshi kthehet në privatizim

Autori:Zekirja Shabani

Dhoma e Posaçme e Gjykatës Supreme  ka refuzuar si  të pabazuar padinë  e ish blerësit të “MIM Golesh”, Hysni Zogaj, kundër Agjencisë Kosovare të Privatizimit.

Kështu, miniera e Goleshit do të shkoj në privatizim dhe ish blerësi i saj nuk ka asnjë të drejtë më mbi këtë ndërmarrje.

Në AKP thonë se vendimi i Bordit të Drejtorëve për tërheqje të aksioneve dhe kthimin e saj nën administrim të Agjencisë ishte marrë si pasojë e mospërmbushjes së kushteve të kontratës nga ana e blerësit dhe shkeljeve të vazhdueshme të kontratës së shit-blerjes, të konstatuara edhe nga auditimet e Auditorëve të jashtëm të angazhuar nga Agjencia.

“Aktgjykimi thekson se  vendimet e atakuara të marra nga AKP-ja janë të bazuara në ligj dhe  se vendimet e AKP-së për të tërhequr aksionet dhe rimarrë kontrollin mbi kompaninë janë lëshuar në përputhje me rregullat procedurale në fuqi”, thuhet në njoftimin e AKP-së.

Në fundin e vitit 2007, Hysni Zogaj, pronar i kompanisë “Iming”, kishte blerë nga ish- Agjencia Kosovare e Mirëbesimit(AKM) minierat kosovare të magnezitit në Golesh dhe Strezovc për më shumë se 1.5 milionë euro, ku kishte premtuar edhe mbi 30 milionë euro investime dhe 600 të punësuar./Gazeta Fjala/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/goleshi-kthehet-ne-privatizim/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala