Gjykata Themelore në Prishtinë, pa flamur shtetëror (Foto/Video)

Autori:Avdyl Pajaziti

Vendin e flamurit të shtetit të Kosovës në ndërtesën e Gjykatës Themelore në Prishtinë e ka zënë flamuri i Shqipërisë dhe ai i Komunës së Prishtinës, raporton Indeksonline.

Dikur në vendin e këtyre flamujve ka qëndruar flamuri kosovar, për të cilin nuk dihet se kush e hoqi.

Ndërsa, me ligj është e paraparë që në institucionet shtetërore, të valëvitet flamuri shtetëror.

Kryetari i kësaj gjykate, Hamdi Ibrahimi, në një prononcim për Indeksonline ka thënë se mund të ndodhë që e ka zhvendosur era, përndryshe do të ishte marrëzi nga ana e gjykatës që ta zhvendoste atë.

“Në pushim kam qene. Kush e ka zhvendosur flamurin nuk e di. Ka mund me zhvendosë era e para disa ditëve. E kam lënë flamurin tek hyrja e Gjykatës Themelore. Kish me qenë marrëzi nëse e do ta kishim zhvendosur ne flamurin shtetëror”, ka thënë Ibrahimi./Indeksonline/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/gjykata-themelore-ne-prishtine-pa-flamur-shteteror-fotovideo/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala