Lajme 6 vite më parë

Gjykata Speciale dhe Ushtria të votohen të njëjtën ditë në Kuvend

Autori:Avdyl Pajaziti

Ish-komandanti i Forcës së Sigurisë së Kosovës, Kadri Kastrati, ka deklaruar se Kosova nuk duhet të bëjë kurrfarë kompromisi për krijimin e Forcave të Armatosura të Kosovës.

Në një intervistë për të përditshmen Epoka e Re, Kastrati ka thënë se Kosova duhet t’i ikë kushtëzimit të Listës Serbe nëse kërkon që brenda FAK-ut të krijohet një njësit i veçantë i serbëve në veri.

Kastrati ka thënë se amendamentet kushtetuese për themelimin e Forcave të Armatosura dhe amendamenti për Gjykatën Speciale të votohen në të njëjtën ditë.

“Nëse duhet të shkojë Gjykata Speciale, pse të mos shkojë në Kuvend edhe Ushtria e Kosovës? Kushtetuta nuk ndryshohet çdo ditë”, duke i sugjeruar edhe Listës Serbe që të votojë në favor të Forcave të Armatosura të Republikës së Kosovës.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/gjykata-speciale-dhe-ushtria-te-votohen-te-njejten-dite-ne-kuvend/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala