Gjilani ndërpret transportin falas të nxënësve

Autori:Avdyl Pajaziti

Qeverisja lokale e Gjilanit s’i ka përmbushur premtimet për transport nxënësish në shkolla falas. Ndërsa Lutfi Haziri, kryetar i Komunës, pati premtuar gjatë fushatës elektorale se nxënësve do t’u sigurohet transporti falas nëpër shkolla, shkruan sot Koha Ditore.

LDK-ja, e cila qeveris këtë komunë, me të marrë pushtetin e ka shkelur këtë premtim, duke bërë ndërprerjen e transportit falas për nxënësit. Më së shumti kanë pësuar nxënësit që gravitojnë nga fshatrat e Gjilanit.

Por të njëjtin fat e kanë pësuar tashmë edhe nxënësit e SHMB “Arbëria”, e cila gjendet në lagjen e “Vishnjeve”, ku nga drejtoria e shkollës atyre u është komunikuar se duhet që të paguajnë biletën mujore prej 3 eurosh.

Drejtoria Komunale e Arsimit kishte premtuar stimulim për nxënësit që shfaqnin interesim për t’u regjistruar në këtë shkollë bujqësore, në mënyrë që të rritet numri i nxënësve nëpër paralele meqë ka mungesë të madhe të nxënësve.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/gjilani-nderpret-transportin-falas-te-nxenesve/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala