Gjermanët bëjnë presion mbi Kosovën, miratojeni Gjykatën Speciale!

Autori:Avdyl Pajaziti

Zhgënjimi amerikan për mosmiratimin e Gjykatës Speciale nuk do të thotë edhe dështim i miratimit të Speciales nga Kuvendi i Kosovës. Përderisa Amerika shprehet e dëshpëruar, Gjermania po merr rolin e ndikimit të saj për të kaluar ky dokument me rëndësi jetike për vendin.

Ftesa që kancelaria Merkel u ka bërë Isa Mustafës dhe Hashim Thacit është një sinjal i qartë se Berlini nuk është dorëzuar nga përpjekja për të miratuar Specialen në Kuvendin e Kosovës.

“Gjermania po e merr rolin e fuqisë vendimarrëse në Ballkan për dy arsye, e para sepse dëshiron të mbajë larg ndikimin rus në rajon e me këtë edhe në Kosovë, dhe fuqizimin e rolit gjerman në Ballkan duke dashur të tregojë kështu se është superfuqi e Evropës dhe e Ballkanit. Rasti i Greqisë është shembulli më i mirë se si Gjermani është vendi më i fuqishëm në Evropë dhe roli i saj dëshiron të jetë vendimtar edhe në rastin e Kosovës” është shprehur një zyrtar i lartë qeveritar për Botapress.

Ai ka shtuar se në Berlin krerët e shtetit të Kosovës udhëtojnë me të vetmin qëllim, pranimin e porosisë gjermane për miratimin e Speciales për të shpëtuar nga interferimi rus në Ballkan e përmes Speciales edhe në Kosovë.

Gjermania po e merr rolin e fuqisë vendimarrëse në Ballkan për dy arsye, e para sepse dëshiron të mbajë larg ndikimin rus në rajon e me këtë edhe në Kosovë, dhe e dyta,  fuqizimin e rolit gjerman në Ballkan duke dashur të tregojë kështu se është superfuqi e Evropës dhe e Ballkanit. /Botapress/

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/gjermanet-bejne-presion-mbi-kosoven-miratojeni-gjykaten-speciale/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala