Gjendet shkaktari i zjarrit në Llapushnik

Autori:Avdyl Pajaziti

Sot rreth orës 04:00, policia ka marrë informatën se në fshatin Llapushnik komuna e Drenasit, respektivisht ne lagjen “Sopi” një objekt është përfshirë nga zjarri.

Menjëherë pas marrjes së këtij informacioni në vendngjarje kanë dalë të gjitha njësitë e nevojshme policore për të menaxhuar me situatën, zjarrfikësit, zyrtarë për hetimin e shkaqeve të zjarrit nga departamenti i emergjencave si dhe zyrtari për hetimin e faktorëve dhe shkaqeve të rrymës.

Në ndërkohë që zjarri është lokalizuar nga ana e zjarrfikësve me pasojë vetëm dëmet materiale, hetuesit policor kanë proceduar më tej me këqyrjen e vendit të ngjarjes si dhe ekzaminimin e të gjeturave edhe evidencave, transmeton Indeksonline.

Pas ndërmarrjes së veprimeve hetimore si dhe ekzaminimeve të nevojshme me qëllim ndriçimin e rrethanave të këtij rasti si dhe pas veprimeve të zyrtarëve për hetimin e shkaqeve të zjarrit nga ana e ekspertëve kompetent është konstatuar përfundimisht se: zjarri është shkaktuar nga faktori rrymë. /Indeksonline/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/gjendet-shkaktari-i-zjarrit-ne-llapushnik/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala