Gjendet i vdekur ish-shefi i inteligjencës ushtarake maqedonase

Autori:Avdyl Pajaziti

Ish-shefi i Zbulimit Ushtarak në Maqedoni, Goran Sofeski është gjetur i vdekur në rrethana të panjohura në malet e rajonit të Kërçovës.

Sipas disa mediave opozitare maqedonase, Sofeski ka qenë në konflikt me ish-shefin e shërbimit sekret DSK, Sasho Mijallkov dhe se ai ishte një nga përkrahësit e opozitës, duke qenë edhe truproje i ministres aktuale të Punëve dhe Politikave Sociale nga radhët e LSDM-së, Frosina Remenski.

Sofeski prej mbrëmë ishte shpallur i zhdukur dhe se së fundi ishte dëgjuar vetëm me babain e tij. Por pas kërkimeve intensive trupi i tij i pajetë u gjet nga gjuetarët lokal dhe policia. Sofeski ishte një nga ekspertët e sigurisë dhe zyrtari që kishte zbuluar disa afera në ushtri, përfshirë edhe rastin e kontrabandimit me armë.

Viteve të fundit 44 vjeçari ishte transferuar në disa kazerma dhe kishte pozita të ulta në ushtri. Por nga ana tjetër, raportohet se Sofeski ka pasur edhe probleme me zemrën.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/gjendet-i-vdekur-ish-shefi-i-inteligjences-ushtarake-maqedonase/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala