Garazhet e PDK-së janë në emrin e Latif Gashit

Autori:Avdyl Pajaziti

Komuna e Prishtinës e ka përfunduar regjistrimin e objekteve pa leje. Në zyrat e Komunës që udhëhiqet nga Lëvizja “Vetëvendosje”, shkuan edhe garazhet e PDK-së të cilat u regjistruan në emrin e deputetit të kësaj partie, Latif Gashi.

Rreth 45 mijë e 450 është numri i ndërtimeve pa leje të regjistrura në Komunën e Prishtinës. Këto të dhëna i ka shpalosur drejtori i Urbanizmit n kryeqytet, Liburn Aliu. Ai thotë se Prishtina sot (e enjte) e kryen fazën e parë të procesit të legalizimit të objekteve pa leje, shkruan “Zëri”.

Në Komunë, sipas tij, u paraqitën 26 mijë persona për regjistrim të objekteve ilegale, ndërsa pjesën tjetër e identifikoi vetë Komuna e udhëhequr nga Lëvizja Vetëvendosje.

Në zyrat e Urbanizmit kanë shkuar edhe njerëzit e Partisë Demokratike të Kosovës për të regjistruar garazhet e shumëpërfolura që u ndërtuan ilegalisht në oborrin ku ndodhet selia e PDK-së.

Liburn Aliu ka treguar se ato janë regjistruar në emrin e Latif Gashit, ndërkohë ka folur për gjithë procesin e legalizimit që e pret Komunën.

Aliu tregon se ligji do të jetë i mëshirshëm përballë shumë ndërtimeve të egra.

“Ligji i Legalizimit është shumë liberal dhe përtej planeve ekzistuese rregulluese. Nëse një objekt është në kundërshtim me kriteret e planit rregullues, ai objekt legalizohet, përpos rasteve kur ato objekte janë në prona komunale dhe në rastet kur nuk i plotësojnë kriteret e sigurisë, e që ky kriter i fundit është bazë”, ka thënë drejtori Aliu.

Shkrimin e e plotë mund ta lexoni në:

http://zeri.info/aktuale/36617/garazhet-e-pdk-se-jane-ne-emrin-e-latif-gashit/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/garazhet-e-pdk-se-jane-ne-emrin-e-latif-gashit/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala