Fundoset një anije ruse, 54 të mbytur

Autori:Avdyl Pajaziti

Një anije ruse peshkimi me 132 njerëz në bordin e saj, është fundosur të enjten në Detin e Okhotsk, afër Gadishullit Kamchatka. Deri tani është konfirmuar se 54 marinarë kanë vdekur.
Në anijen e quajtur “Dalniy Vostok”, që u fundos 330 kilometra në perëndim të vendbanimit Krutogorovsky, në lindjen e largët të Rusisë, është konfirmuar se 73 njerëz në bord ishin rusë, ndërsa të tjerët ishin nga Letonia, Ukraina, Mianmar dhe Vanuatu.

“Operacioni i shpëtimit po ndodh tani… Jemi ende duke kërkuar për 15 njerëz”, ka thënë për Reuters Viktor Klepikov, koordinator i Qendrës së shpëtimit detar të Gadishullit Kamchatsky.

Ministria ruse e Emergjencave ka njoftuar se ende nuk ka njohuri se çfarë mund të ketë shkaktuar tragjedinë. Dyshohet se anija ka goditur akullin dhe e ka ndarë përgjysmë, pastaj ajo është fundosur brenda 15 minutave

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/fundoset-nje-anije-ruse-54-te-mbytur/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala